Wir Anarg von Walde, unde hirach von waldenburg, heren czu wolckensteyn, bekennen vor uns unde unser erbin, dacz wir uns mit den hochgeborn frsten unde herren, hern friedrich, hern wilhelm, unde hern friedrich, Landgraffe in Dringen, unde marggraffin czu mien, unsern gnedigen herren, undeallen yren erbin, umb dacz bergwercke czu ernfridistorf, unde uf allin unsern gtern beteidinget voreynit haben, unde oberkomin sind in allir mae also vornach geschrebin stet. Czu den ersten sullen sie alle gerichte und recht haben, uf allen golt und silbergengen, uf allen unsern gtern, virdehalb Lehn uf das hangende und virdehalb Lehn uf das legende, und sullen yre bergmeyster unde amptlthe dohyn setzen, also uf andiren yren bergwrkin, di uf bergen undein den htten, unde uf den hffen, die doczu gebuwet werden, richten sullen, wenn dacz noth geschiet auch haben di obgenannten unser gnedigen herren, uns unde unsern erbin durch des schadens willen, den wir an unsern bergwercken nemen, unde uf dacz goltwerck unde silberwerck doste sunderlich gevertiget werde, die gnade gethan dacz uns unde unsern erben uf den gtern, die wir haben, czweyteil von dem czenden, unde yn den dritten teyl volgen sullen an den golt und silbergengen uf allen unsern gtern yn sulcher wiese: Nemen si mer, denn eynen huffen czu czenden, dacz sal uns ouch czwey teil, unde eyn drittenteyl yn gefallen unde fulgen. hlfe auch got, dacz goltwerck uf stnde yn unserm lande, dacz also gutwrde, dacz der czende daran glde drye pfund oder mer, daczu sullen sie uns zur sture gebin fnfhundert glden ungarisch, wrde ouch dacz silberwerck ufstnde yn unserm lande, also, dacz der czende daran ouch drye pfund galden oder mer, so sullen sie dorzu sture gebin czweyhundert Schock nuwe grossen was auch bussin uf dem berg gefallen di bussin sollen uns halb gefallin ouch soll man all dacz golt unde silber, dacz uf dem bergwerk uf unsern gtern gefellit, yren amptluthen daselbis gebin unde antworten, dy dacz frder yn yre mnzegen freiberg brengin sullin, do man fr yedie marck goldes pregisch gewicht gebin soll czwene unde drieig glden unde for yedie marck silbers desselbin gewichts vyer unde sechczig groen. Di glden unde groen, wacz derwirt, die uns gehoren, di sollin ire amptleuthe wieder uf dacz bergwerck brengen, unde dacz denn frder uns antworten unde beczalen sullen, unde wen dacz oberqueme mit yren amptleuthen, die darczu gesetzt weren, die gold und silber nicht in yre mncze antworten, als obin geschrebin stet, den sol man bssen also der mnze recht ist. Ouch saln unser gnedigen herren obgenannt keinen freihen marckt lassen beruffin eyner halben mylen weges von ernfridisdorffoder von dem thume, oder von dem geyer, oder by einer halben mylen weges von wolckenstein oder Czope, is were den dacz yre amptlythe erkenthen, dacz is noth were, unde dacz man des nicht enpehren kunde, so mogen unsere gnedigen herren den lassen beruffen, unde den haben, dacz sie doch mit unsernwillen und wien thun sollen doch so mag yederman, der do buwet, syn brot, fleysch unde getrenckewol do hoben uf den bergwerke mit, di wyle der frye marckt nicht beruffen ist, dacz wirr nicht weren noch hindern sullen, sunderlich byer, ob dis ymand do schencken wolde, der sullte sich des yn unserer herren steten erholen, und wir sullen bestellen, daczman yn dacz yn gewnliche kauffe geben sall, alsman dacz thut in andern steten, die darumb gelegen sind. Es were denne, dacz es yn darinne gebreche, so sullen sie sich anders wo irholen, in welchen steten sie mogen. Ouch sullen wir unde unsere erben uf denselben bergwercken fleyschbencke, brtbencke czolle unde httenczinu, unde dacz schrot anrecht haben, nach gewonheit unde rechte, als dacz uf andern yren bergwercke gewonheit unde recht ist. Auch sullen unser leuthe, die yczund albereit buwen uf den golt oder silbergengen uf unsern gtern,dabie blieben, unde wenne yr bergmeyster uf den berg komit, so sullen sie die lehn von ym empfaen, wacz aber ledig were und lege, dacz sall ir bergmeyster lyhen also dacz gewonlich ist. Es ist ouch geteydinget, were dacz Czehngenge gingen ander golt oder silbergenge schaden nicht gearbeiten konde, so sullen die Czehn genge stille legen, unde das golt oder silberbergwerck sall vor sich gehen bis so lange, bis man di czen genge ane schuld, schaden der golt oder silbergenge geerbeyten mag. Were och dacz eginante bergwerck wste wrde und ledig lege also, dacz man dcz nicht mehr buwete, so sal dacz gerichte wieder unser seyn, bis also lange, bis dacz golt unde silberwerck weder buwehaftig werde, ane geferde.